Evropa Ittifoqi kelajakda umumiy siyosatga zid ravishda harakat qilayotgan Vengriya kabi davlatning paydo bo‘lmasligi uchun yangi a’zolarga «sinov muddati»ni joriy etishi mumkin.
Bu haqda Yevropa Ittifoqining kengayish masalalari bo‘yicha yevrokomissari Marta Kos ma’lum qildi, deb xabar beradi Financial Times.
Uning so‘zlariga ko‘ra, mazkur sinov muddati bir necha yil davom etishi mumkin, unga ko‘ra, agar yangi a’zo davlat umumiy demokratik tamoyillardan chekinsa, uni ittifoqdan chiqarib tashlash imkoniyati ko‘rib chiqiladi.
«Men besh, o‘n yoki o‘n besh yildan keyin ish boshlaydigan yangi “troyan otlarini” ittifoqqa olib kirgan komissar sifatida tanilgim kelmayapti», — deya o‘z tashabbusini tushuntirdi Kos.
Avvalroq, Ukraina uchun Yevroittifoqqa ovoz berish huquqisiz a’zo bo‘lish varianti muhokama qilinayotgani ma’lum qilingandi. Bu ish Vengriyaning roziligini olish uchun amalga oshirilyapti, sababi Budapesht Kiyevning ittifoqqa qabul qilinishiga faol tarzda to‘sqinlik qilib kelmoqda.
Rossiya aktivlarining Ukraina foydasiga musodara qilinishiga qarshi chiqqan YEI davlatlari nomlari e’lon qilindi
Kim Chen Inning salomatligiga doir ayrim ma’lumotlar oshkor qilindi
Yadroviy “Burevestnik” raketasining sinovlari AQShni Rossiya shartlarini qabul qilish va Moskva bilan muzokaralar stoliga o‘tirishga majbur qilishga qaratilgan
