Evropa Ittifoqi Gruziyaning Ittifoqqa a’zolik arizasini "xorijiy agentlar haqidagi" qonun tufayli bloklaydi.
Bu haqda The Economist nashri xabar bermoqda.
14 may kuni Gruziya parlamenti hukmron “Gruziya orzusi” partiyasi tashabbusi bilan ishlab chiqilgan “xorijiy agentlar” haqidagi qonun loyihasini uchinchi va yakuniy o‘qishda ma’qulladi. Qonunni 84 deputat yoqlab, 30 nafari qarshi ovoz berdi. Endi hujjat imzolash uchun Gruziya prezidenti Salome Zurabishviliga yuboriladi.
Qonunga ko‘ra, moliyalashtirishning 20% dan ortig‘ini xorijdan oladigan nodavlat tashkilotlar va ommaviy axborot vositalari xorijiy ta’sir agenti sifatida ro‘yxatdan o‘tishlari shart.