Evroittifoq Rossiyaning muzlatilgan aktivlari bo‘yicha qarorni 18 dekabrda qabul qilmoqchi

Bu haqda Fransiya tashqi ishlar vaziri ma’lum qildi.

Jan-Noel Barroning aniqlik kiritishicha, Rossiyaning muzlatilgan aktivlariga oid keyingi choralarni muhokama qilish yaqin kunlarda ham davom etadi. Shuningdek, u Yevropa davlatlari “Ukrainani keyingi ikki yil davomida moliyaviy qiyinchiliklardan himoya qilish” niyatida ekanini aytdi.

"Birinchi raqamli ustuvor vazifa — Yevropada joylashgan Rossiya aktivlarini bloklangan holda saqlashni kafolatlashdir. Bu bizga kelajakdagi tinchlik shartlariga ta’sir ko‘rsatish imkonini beradigan muhim vositadir", — deya qo‘shimcha qildi Fransiya TIV rahbari.