Evro-2024. Ispaniya Germaniyani yengib, yarim finalga yo‘l oldi

Ispaniya terma jamoasi 2024 yilgi Yevropa chempionati 1/4 finalida Germaniyani mag‘lub etdi - 2:1.

Ispaniya terma jamoasi yarim himoyachisi Dani Olmo 51-daqiqada hisobni ochdi. Nemislar 89-daqiqada Florian Virtsning goli evaziga hisobni tenglashtirishga muvaffaq bo‘lishdi.

Mikel Merino 119-daqiqada g‘alaba golini kiritdi.

Ispaniya terma jamoasi Yevro-2024ning ilk yarim finalchisiga aylandi. Luis de la Fuente shogirdlari Portugaliya – Fransiya juftligi g‘olibi bilan o‘ynaydi.