Bu haqda BBS xabar bermoqda
"Juma kuni ertalab Rossiya Qurolli kuchlarining uchta MiG-31 qiruvchi samolyoti deyarli 12 daqiqa davomida Estoniyaning Vayndlo oroli yaqinidagi Fin ko‘rfazi hududida havo makonida bo‘ldi", deyiladi Estoniya Qurolli kuchlari bayonotida.
Ma’lum qilinishicha, qiruvchi samolyotlarda parvoz rejasi bo‘lmagan, ularning transponderlari esa o‘chirilgan edi. Shuningdek, ular Estoniya aviasiya boshqarmasi bilan ikki tomonlama aloqa o‘rnatmagan.
Estoniya Tashqi ishlar vazirligi Rossiyaning mamlakatdagi vaqtinchalik vakilini chaqirib, hodisa yuzasidan norozilik bildirdi va nota topshirdi.
"Joriy yilda Rossiya to‘rt marta Estoniya havo hududini buzdi, bu qabul qilib bo‘lmas holatdir. Ammo bugungi hodisa, Rossiyaning uchta qiruvchi samolyoti bizning havo hududimizga kirishi mislsiz keskin harakat hisoblanadi", — dedi Estoniya tashqi ishlar vaziri Margus Sahkna.
Politico ning manbalariga tayanib yozishicha, NATO qo‘mondonligi Estoniya havo hududi buzilishiga javoban Italiyaning F-35 qiruvchi samolyotlarini uchirishga buyruq bergan.
Toshkentda ona o‘zini va 2 bolasini 8-qavatdan tashlab yubordi (yuragi bo‘shlar ko‘rmasin)
Qirg‘iziston poytaxti ko‘chiriladimi?
Kamchatkada dahshatli zilzila sodir bo‘ldi (video)
