Donald Tramp shanba kuni Oval kabinetda jurnalistlar bilan uchrashib, Eron bilan muzokaralar yaxshi ketayotganini, lekin Tehronning Ho‘rmuz bo‘g‘ozi masalasida Qo‘shma Shtatlarni "shantaj" qilishiga toqat qilmasligini ta’kidladi.
U Eron rasmiylarining holatini "oxirgi 47 yildagidek biroz ayyorona" deb atadi. Shuningdek, Tramp ikki davlat o‘rtasidagi muammolar to‘liq hal bo‘lmaguncha, Eron portlariga qo‘yilgan blokada o‘z kuchida qolishini yana bir bor eslatib o‘tdi.