Eronda urush boshlanganidan beri Fors ko‘rfazida 29 ta kemaga hujum qilingan

AQSH-Isroil o‘rtasida Eronga qarshi urush boshlanganidan beri Fors ko‘rfazida 29 ta kemaga hujum qilingan.

Ushbu ma’lumotlar Buyuk Britaniya Dengiz Savdo Operasiyalari Markazi (UKMTO) tomonidan taqdim etilgan.

Hisobot 28 fevraldan 8 iyungacha bo‘lgan davrni qamrab oladi.

"UKMTO Fors ko‘rfazi, Hormuz bo‘g‘ozi va Ummon ko‘rfazida suzib yurgan kemalar bilan bog‘liq 54 ta hodisa haqida xabarni qayd etdi", deyiladi tashkilot hisobotida. Bu jami 29 ta hujum, 23 ta shubhali faoliyat haqida xabar va ikkita kemani olib qochishni o‘z ichiga oladi.

Biroq, so‘nggi bir oy ichida hodisalar soni sezilarli darajada kamaydi. Muvofiqlashtirish markazi avvalgi shunga o‘xshash hisobotini e’lon qilgan 5 maydan beri atigi to‘rtta yangi hujum va beshta shubhali faoliyat haqida xabar qayd etilgan.

BMTning Xalqaro dengiz tashkiloti ma’lumotlariga ko‘ra, harbiy harakatlar boshlanganidan beri 41 ta hodisa qayd etilgan. Ushbu hujumlarda o‘n bir ekipaj a’zosi halok bo‘lgan va yana bir nechtasi og‘ir jarohat olgan.