Eronning erkin bozori milliy valyuta uchun yana bir tarixiy eng past ko‘rsatkichni qayd etdi: 9 sentyabr kuni AQSh dollari rekord darajadagi 233 900 tomanga yetdi.
Bu haqda "Ozod Iran" Telegram-kanali xabar bermoqda.
Britaniya funti 316 000 toman, yevro 272 000 tomanga sotildi, Emami oltin tangasi esa 242 million tomanga ko‘tarildi.
Atigi ikki hafta ichida Eron riali taxminan 13 foizga qadrsizlandi; avgust oyi oxirida dollar 206 400 tomanga sotildi.
Milliy valyutaning keskin pasayishi mintaqadagi harbiy mojaroning kuchayishi fonida yuz berdi. Avvalroq, AQSh Markaziy qo‘mondonligi (CENTCOM) beshta Eron neft tankerining yo‘q qilinganini e’lon qilgan edi. Bunga javoban Islom inqilobi qo‘riqchilari korpusi Hormuz bo‘g‘ozida 20 ta kemaga hujum qilingani haqida xabar bergan edi.
Dunyo xaritasi 500 yil ichida ilk bor yangilandi
💴 Adliya vazirligi O‘zbekistondagi pensiya va nafaqalar miqdorini eslatdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
