Fransiyada Parijdagi xavfsiz avtoturargohdan hashamatli avtomobillarni ommaviy o‘g‘irlash bilan shug‘ullangan jinoiy guruhning bir nechta a’zolari hibsga olindi.
Bu haqda Le Figaro nashri xabar berdi.
Parij prokuraturasidagi manba gazetaga o‘g‘irlangan 27 ta mashinadan 21 tasi allaqachon topilganini aytdi. Ular orasida Porsche, Ferrari va Maserati bor, ularning umumiy qiymati taxminan 2 million yevroga baholanmoqda.
Qayta topilgan avtomobillarning ba’zilari shikastlangan yoki qisman yonib ketgani ta’kidlanmoqda. Jinoyatchilar avtomobillarni mamlakatning turli mintaqalariga olib borishga muvaffaq bo‘lishgan - aksariyati Parij mintaqasida, ba’zilari esa Nant va Lion hududlarida topilgan.
Tergovchilarning fikriga ko‘ra, 16 maydan 17 mayga o‘tar kechasi Parijning 15-okrugida sodir bo‘lgan ommaviy o‘g‘irlikka taxminan 50 kishi aloqador bo‘lishi mumkin. Bu xulosa kuzatuv kameralari tasvirlari tahliliga asoslangan. Xabarlarga ko‘ra, jinoyatchilar avtoturargohga kirish eshigini buzib kirishgan va keyin avtomobillardan kalitlar va hujjatlarni o‘g‘irlashgan.
Maktablarda «So‘nggi qo‘ng‘iroq» tadbirlari qachon o‘tkazilishi ma’lum bo‘ldi
Prezidentning yangi qarori qabul qilindi
Eron 57 ta musulmon davlatidan iborat “Islom NATOsi” ni tuzishga chaqirdi
