Eron TIV rahbari keskinlik fonida Pokiston va Hindistonga tashrif buyuradi

Eron tashqi ishlar vaziri Abbos Arag‘chi kelasi hafta Pokiston va Hindistonga rasmiy tashrif bilan boradi.

Bu haqda Mehr agentligi Islom Respublikasi Tashqi ishlar vazirligi rasmiy vakili Ismoil Bagaiga tayanib xabar berdi.

5 may, dushanba kuni Arag‘chi Pokistonga tashrif buyuradi, u yerda mamlakatning yuqori martabali amaldorlari bilan uchrashuv o‘tkazadi va ular bilan ikki tomonlama munosabatlar, shuningdek, mintaqadagi vaziyatni muhokama qiladi. Shundan so‘ng u Hindistonga yo‘l olishi kerak, deya qayd etadi agentlik.

25 aprel kuni Eron tashqi ishlar vaziri Islom respublikasi Hindiston va Pokistonga yuzaga kelgan vaziyatda o‘zaro tushunishni topishda yordam berishga tayyorligini ma’lum qilgandi.