Eron terma jamoasi ustozi: O‘zbekiston Osiyoning kuchli jamoalaridan biri

Jahon chempionati saralashidan o‘rin olgan Eron - O‘zbekiston o‘yini oldidan tashkil qilingan matbuot anjumanida Amir Galenoi o‘z fikrlari bilan o‘rtoqlashdi.

– O‘yin haqida shuni aytishim kerakki, O‘zbekiston Osiyoning kuchli jamoalaridan biri. Hozirda mamlakatlar futboli bir-biriga yaqinlashdi. O‘zbekiston bir necha yillardan beri o‘z futboliga to‘g‘ri sarmoya kiritmoqda. Ular yaxshilanishdi va bizni qiyin o‘yin kutib turibdi. Vaholanki, terma jamoa jismonan tayyor. Garchi biz ertalab soat 5 da yetib kelgan bo‘lsak ham, biz rasmiy ravishda ikki kunni yo‘qotdik. Umid qilamanki, biz uch ochko olamiz", - dedi eronlik mutaxassis.