Eron oliy rahbarining siyosiy masalalar bo‘yicha maslahatchisi Muhammad Boqir Zulqadr AQSh prezidenti Donald Tramp va Isroil bosh vaziri Binyamin Netanyaxu hokimiyatdan ketmaguncha Ho‘rmuz bo‘g‘ozi ochilmasligini bildirdi.
"Jangchilarimiz jinoyatchi Tramp va Netanyaxu hokimiyatdan ketmaguncha Ho‘rmuz bo‘g‘ozini ochmaydi. Bu Eron xalqining qasos olish yo‘lidagi birinchi bosqichidir", — dedi Zulqadr. Uning so‘zlarini ISNA agentligi keltirmoqda.
AQSh va Isroil 28 fevralda Eron hududidagi ob’ektlarga zarbalar berishni boshlagan, Tehron esa javob hujumlarini amalga oshirgan. Iyun oyi o‘rtalarida Tehron va Vashington jangovar harakatlarni to‘xtatish bo‘yicha vaqtinchalik kelishuvga erishgan, ammo keyinchalik tomonlar o‘rtasidagi to‘qnashuvlar yana davom etgan.
Hozirda mojaro hal etilmaganicha qolmoqda.
Keskinlik kuchayishi fonida Ho‘rmuz bo‘g‘ozi orqali kema qatnovi keskin kamaygan. Bo‘g‘oz jahon bozoriga neft, neft mahsulotlari va suyultirilgan tabiiy gaz yetkazib berishdagi eng muhim dengiz yo‘llaridan biri hisoblanadi.
Mojaro oqibatida Ho‘rmuz bo‘g‘ozi orqali harakat cheklanishi jahon energetika bozoriga ham ta’sir ko‘rsatib, bir qator mamlakatlarda yoqilg‘i narxlarining oshishiga sabab bo‘ldi.
AQSh Eronda qulagan F-15E uchuvchilarini evakuasiya qilish operasiyasi kadrlarini maxfiylikdan chiqardi
Boshlang‘ich sinf qizlari uchun hijobni taqishni taqiqlash taklif qilinmoqda
Saudiya Arabistoni Isroildan yordam so‘radi
