Eron Quvayt va Bahrayn portlaridagi barcha neft tankerlariga hujum qilishini ma’lum qildi

Eron Islom inqilobi qo‘riqchilari korpusi (IIQK) Quvayt va Bahrayn portlaridagi barcha neft tankerlariga hujum qilinishi haqida ogohlantirdi.

Bu haqda Eronning Tasnim axborot agentligi Eron Islom inqilobi qo‘riqchilari korpusi bayonotiga tayanib xabar bermoqda.

"AQSh harbiylari bir nechta Eron neft tankerlariga hujum qilganini hisobga olgan holda, biz Quvayt va Bahrayn portlaridagi barcha neft tankerlari ekipajlarini hujumga uchraganliklari sababli, kemalarini ham langarda, ham portda darhol tark etishlari haqida ogohlantirmoqdamiz", deb ta’kidlangan bayonotda.

Tasnim avvalroq AQSh Xark oroli yaqinida Eron neft tankeriga hujum qilgani haqida xabar bergan edi.