Eron Prezidenti tinchlikparvar

Eron prezidenti Mas’ud Pezeshkian Tehron "hech qanday davlat bilan urushga intilmayotgani va yadro energiyasidan tinch maqsadlarda foydalanish mamlakat xavfsizligi va mudofaasi doktrinasiga kirmasligi"ni ma’lum qildi, deb xabar bermoqda Mehr.

U bu haqda payshanba kuni kech kechqurun Saudiya Arabistoni valiahd shahzodasi Muhammad bin Salmon bilan telefon orqali suhbatda aytib, "islom mamlakatlari umumiy manfaatlarga tayanib, o‘zaro birlik va do‘stlikni mustahkamlash orqali o‘zlari va mintaqa uchun eng yuqori darajadagi tinchlik, xavfsizlik va taraqqiyotni ta’minlay olishlarini" ta’kidladi.

Uning so‘zlariga ko‘ra, agar musulmon davlatlari o‘zaro birlik va do‘stlikni o‘rnatsalar, ular ayrim islom mamlakatlariga, jumladan, Falastin va "mazlum G‘azo xalqi"ga nisbatan "zulm va jinoyatlarning oldini olishlari" mumkin.

Bin Salmon, o‘z navbatida, Eron prezidentining musulmon xalqlarini hamjihatlikka chaqirgani uchun minnatdorchilik bildirdi.

U Eron va Saudiya Arabistoni o‘rtasidagi hamkorlikning faollashuvi mintaqaviy barqarorlik, xavfsizlik va rivojlanish sohasida sezilarli yutuqlarga olib kelishiga ishonch bildirdi. Shahzoda, shuningdek, Eron, Saudiya Arabistoni va boshqa davlatlar o‘rtasidagi hamkorlik mintaqada tinchlikni mustahkamlashi mumkinligini ta’kidladi. U "Ar-Riyod mintaqadagi vaziyatni yumshatish bilan bog‘liq har qanday muammoni hal etishda ko‘maklashishga tayyor ekanligini" tasdiqladi.