Eron oliy rahnamosi AQShni ogohlantirdi

Eron oliy rahnamosi Ali Xomanaiy AQShni "Eron xalqiga zarar yetkazgan" har bir kishiga "qattiq tarsaki" bilan javob berishidan ogohlantirdi.

"Amerikaliklar biz hech qachon mojaroni boshlamaganimizni bilishlari kerak, ammo Eronga zarar yetkazgan har bir kishi og‘ir shapaloq bilan kutib olinadi" - dedi Xomanaiy.

19 mart kuni AQSh prezidenti Donald Tramp Xomanaiyga yo‘llagan maktubida Tehronga Eron yadro dasturi bo‘yicha yangi kelishuv tuzish uchun ikki oy muhlat bergan.

7 mart kuni Tramp o‘zining Truth Social sahifasida Xomanaiyga Tehron yadroviy dasturi bo‘yicha muzokaralar olib borishni taklif qilgan xabar yuborganini yozgan. Eron rahbari Amerika prezidentining bu bayonotini izohlar ekan, uning mamlakati AQSh bilan muloqotga kirishmasligini, chunki Vashington faqat o‘z manfaatlarini o‘ylashini ta’kidladi. 12 mart kuni Xomanaiy Trampning muzokaralarga tayyorligi haqidagi so‘zlarini jahon jamoatchiligi fikrini aldash deb atadi.