Eron AQSh uchun foydaliroq taklif tayyorlashi kerak

AQSh prezidenti Donald Tramp Eron hali ham kelishuvdan manfaatdor deb hisoblamoqda va Tehrondan bir necha kun avval taqdim etilgan oldingi taklifdan ko‘ra yaxshiroq bo‘lgan yangilangan variantni kutmoqda.

Bu haqda Amerika yetakchisining o‘zi "Axios" portaliga bergan intervyusida ma’lum qildi, biroq Eron bilan muzokaralarni boshlash uchun aniq muhlatni aytishdan bosh tortdi.

"Biz kelishuv tuzishni xohlaymiz. Ular hali biz ko‘rishni istagan darajaga chiqishgani yo‘q. Ular bunga majbur bo‘lishadi, aks holda ularga jiddiy zarba beriladi, ular esa buni xohlashmaydi", — dedi Tramp.

Qo‘shma Shtatlar prezidentining so‘zlariga ko‘ra, agar Eron yanada manfaatliroq taklif taqdim etmasa, AQSh "avvalgidan ko‘ra ancha kuchliroq" zarba beradi.