Turkiya prezidenti Rajab Toyyib Erdo‘g‘on va Armaniston bosh vaziri Nikol Pashinyan telefon orqali muloqot qildi. Bu haqda Turkiya yetakchisi ma’muriyatining X ijtimoiy tarmog‘idagi sahifasida ma’lum qilindi.
Suhbat chog‘ida tomonlar Turkiya va Armaniston o‘rtasidagi munosabatlarni hech qanday shartlarsiz to‘liq tartibga solish uchun siyosiy iroda mavjudligini ta’kidladilar. Ikki davlat rahbarlari ikki davlat maxsus vakillari o‘rtasidagi muzokaralarni davom ettirish muhimligini ta’kidladilar va shu kungacha kelishib olingan masalalarni tasdiqladilar.
Tomonlar mintaqadagi so‘nggi o‘zgarishlar va xalqaro kun tartibini ham muhokama qildilar.