Erdo‘g‘on: "Ukrainaning Rossiyaga raketa hujumlari mintaqani keng ko‘lamli urush yoqasiga qo‘yadi"

Turkiya AQShning Ukrainaga Rossiya hududida taktik raketa tizimlaridan foydalanishga ruxsat berishini to‘g‘ri deb hisoblamaydi.

Bu haqda Turkiya prezidenti Rajab Toyib Erdo‘g‘on G20 sammiti bo‘lib o‘tgan Braziliyadan qaytgach, jurnalistlarga ma’lum qilgan.

"Bayden Rossiya Federasiyasi va Ukraina o‘rtasida urushni yanada qo‘zg‘atishga qaratilgan harakat sifatida baholanishi mumkin bo‘lgan qadamni qo‘ydi. Shu bois barchaga ehtiyot bo‘lishni tavsiya etaman. Ukrainaning Rossiya Federasiyasiga raketa hujumlari sodir bo‘lishi mumkin. Mintaqani va dunyoni katta urush yoqasiga qo‘yib qo‘ydi: "Bizdan keyin suv toshqini bo‘lishi mumkin" tamoyiliga tayanib, hech narsaga erisha olmaysiz" - dedi u.