Erdo‘g‘on: "Turkiya terrorizmga qarshi kurashda Pokistonni qo‘llab-quvvatlaydi"

Turkiya Pokistondagi terroristik hujumlarni qoraladi va Islomobodni terrorizmga qarshi kurashda qo‘llab-quvvatlashga tayyorligini bildirdi.

Bu haqda Turkiya Prezidenti Rajab Toyyib Erdo‘g‘on Pokiston Bosh vaziri Shahboz Sharif bilan telefon orqali suhbatida ma’lum qildi.

Suhbat davomida yetakchilar ikki tomonlama munosabatlar, mintaqaviy va global muammolarni muhokama qilishdi.

Erdo‘g‘on shuningdek, Turkiya Isroil, AQSh va Eron o‘rtasidagi mojaroni diplomatik yo‘l bilan hal qilish uchun barcha sa’y-harakatlarni qilishga tayyor ekanligini ta’kidladi.