O‘zbekiston terma jamoasi hujumchisi va sardori Eldor Shomurodov rossiyalik sobiq futbolchilari Andrey Arshavin hamda Vladislav Radimov bilan suhbatda nega o‘zbekistonlik futbolchilar Rossiya Premyer-ligasi klublarida kamayib ketganini izohladi.
«Hozir O‘zbekiston futbolchilariga barcha mamlakatlardan qiziqish bor, ko‘plab skautlar kelyapti. Ilgari Rossiya biz uchun o‘ziga xos tramplin edi — u yerdan Yevropaga chiqish osonroq bo‘lardi. Rossiya orqali Yevropaga ketish ancha yengil edi. Hozir esa klublar futbolchilarni to‘g‘ridan-to‘g‘ri kuzatishyapti.
Bundan tashqari, Rossiyaga borish bilan bog‘liq siyosiy muammolar ham bor, keyin Yevropaga o‘tish qiyinlashadi. Shu sababli, menimcha, u yerda o‘zbekistonlik futbolchilar soni kamaydi», — dedi Shomurodov.
Eslatib o‘tamiz, Shomurodov faoliyati davomida Rossiyaning «Rostov» klubida ham to‘p surgan.
Rossiya yana Olimpiya o‘yinlarini qabul qilishga tayyor — Putin
Javohir Sindarov FIDE reytingida 6-o‘ringa ko‘tarildi
Ukraina terma jamoasi Ispaniyada o‘g‘rilar hujumiga uchradi
