Tramp Eronga qarshi urush tugaganini e’lon qilmoqchi

AQSh prezidenti Donald Tramp Amerika xalqiga qilgan murojaatida Eronga qarshi harbiy harakatlar tugaganini e’lon qiladi.

Bu haqda Politico nashri xabardor manbalarga tayanib xabar berdi.

"Chorshanba kuni Prezident Donald Tramp Eronda deyarli bir oy davom etgan harbiy kampaniya tugaganini asosiy vaqtdagi murojaatida e’lon qiladi. Bu neft narxlarining tez ko‘tarilishi va jamoatchilik fikrini o‘rganish natijalarining pasayishi fonida sodir bo‘ladi”, deb ta’kidlaydi nashr.

AQSh prezidentining sobiq maslahatchisi Stiv Bannonning so‘zlariga ko‘ra, Amerika rahbari Erondagi yutuqlarni ta’kidlaydi, kelajakdagi rejalarni bayon qiladi va NATO hamkorlarini tanqid qiladi.

“Ikki-uch hafta, aniq belgilangan maqsadlar. Biz erishilgan natijalarni mustahkamlash uchun bir muddat qolamiz. Otashkesimdan keyin kelishi mumkin. Hormuz bo‘g‘ozidagi vaziyat BAA va Yevropaning mas’uliyati ekanligi va biz g‘alabani e’lon qilishimiz kerakligi ta’kidlanadi”, dedi u.

Politico ta’kidlaganidek, ushbu murojaat Trampga, boshqa narsalar qatori, harbiy operasiya maqsadlarini shakllantirish, g‘alaba mezonlarini aniqlashtirish va sulh muzokaralari boshi berk ko‘chaga kirsa, keyingi qadamlarni belgilash imkoniyatini beradi. Mualliflarning ta’kidlashicha, siyosiy nuqtai nazardan, bu ayniqsa muhimdir, chunki Tehron bilan harbiy mojaro Amerika jamoatchiligi orasida qo‘llab-quvvatlanmaydi.

Keyinchalik Tramp Eron rasmiylari AQShdan sulhni talab qilganini e’lon qildi.