EI yangi sanksiyalar paketiga patriarx Kirill va Rus pravoslav cherkovi ruhoniylarini kiritmoqchi

Bu haqda Politico xabar bermoqda.

Evroittifoqning yangi, yigirma birinchi sanksiyalar paketiga Rus pravoslav cherkovi (RPS) rahbari patriarx Kirill va cherkov ruhoniylariga nisbatan cheklov choralari kiritilishi kutilmoqda, deb yozadi nashr.

Nashrning qayd etishicha, avvalroq RPS vakillariga qarshi sanksiyalar qo‘llanilishiga bosh vazir Viktor Orban boshchiligidagi Vengriya hukumati to‘sqinlik qilib kelgan. Biroq Orban aprel oyida bo‘lib o‘tgan saylovlardan so‘ng o‘z lavozimini yo‘qotdi.

EI rahbariyatidagi manbalardan birining Politico'ga ma’lum qilishicha, hozir sanksiyalarni kengaytirish uchun eng qulay vaqt. Chunki Rossiya iqtisodiyotidagi vaziyat "urush boshlanganidan beri eng yomon holatda" va Moskvaga nisbatan bosimni kuchaytirish lozim.