Uning ma’lumotlariga ko‘ra, 2025 yilda Rossiya fuqarolariga Shengen hududiga kirish uchun taxminan 478 mingta turistik viza berilgan. Ularning ko‘pchiligi bir necha marta kirish imkonini beruvchi vizalar bo‘lgan.
«Biz YEIga a’zo davlatlarni o‘z vazifalarini yaxshiroq bajarishga va Rossiya fuqarolariga kamroq viza berishga chaqirmoqdamiz. (…) Bu sayyohlarning aslida kimligini hech qachon aniq bilmaysiz», — dedi Yevrokomissar. U bu yo‘nalishdagi ishlar davom etayotganini ham ta’kidladi.
Avvalroq DW xabar berganidek, Yevropa Ittifoqida qonunchilikka o‘zgartish kiritish masalasi muhokama qilinmoqda. Bu o‘zgartishlar orqali arizachilarning butun toifalariga, jumladan, zarurat bo‘lmagan safarlarni amalga oshiruvchilarga viza berishni cheklash imkoniyati paydo bo‘lishi mumkin.
Bunday tashabbus Polsha, Shvesiya va Estoniya kabi bir qator davlatlar Rossiya fuqarolari uchun viza qoidalarini yanada qat’iylashtirishni talab qilganidan keyin ilgari surildi. Takliflar Ukrainaga qarshi janglarda ishtirok etgan shaxslarga nisbatan ham cheklovlarni kuchaytirishni nazarda tutadi.
Evropa komissiyasi Viza kodeksini qayta ko‘rib chiqish bo‘yicha taklifni 2027 yil boshida taqdim etishni rejalashtirmoqda. Ushbu taklif kuchga kirishi uchun Yevropa parlamenti va YEI Kengashi tomonidan kelishilishi kerak.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Nega aynan Erkinjon Turdimov? Bu qaror ortida qanday omillar turibdi?
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
