Eden Azar "Real"ga Chempionlar ligasini yutishda qanday yordam berganini esladi

Madridning "Real" klubi sobiq hujumchisi Eden Azar jamoaning Chempionlar ligasi - 2021/22'da g‘alaba qozonishiga qo‘shgan hissasi haqida gapirdi.

"Tibo Kurtua va Karim Benzema Chempionlar Ligasida g‘alaba qozonishimizga yordam berishdi. Men esa jamoadagi muhitga o‘z hissamni qo‘shdim. Odamlar buni ko‘rmaydi, lekin bunday lahzalar juda muhim. O‘sha yil juda ta’sirli bo‘lgandi", - dedi Azar.

Azar 2019 yildan 2023 yilgacha "Real" sharafini himoya qilgan. Bu vaqt ichida u 76 ta o‘yinda maydonga tushib, 7 ta gol urgan va 12 ta golli uzatmaga mualliflik qilgan.

"Real" libosida Azar ikki marta Ispaniya chempioni bo‘ldi, Chempionlar ligasi, mamlakat kubogi va Superkubogini qo‘lga kiritdi, shuningdek, UYEFA Superkubogini qo‘lga kiritdi. 2023 yilda belgiyalik futbolchi faoliyatini yakunladi.