ECHL. "Barselona" "Borussiya"dan mag‘lubiyatga uchrab, keyingi bosqichga yo‘l oldi

Dortmundning "Borussiya" klubi o‘z maydonida Chempionlar ligasi 1/4 final javob bahsida "Barselona"ni mag‘lub etdi - 3:1.

Mezbonlar safida hujumchi Seru Girassi het-trik qayd etdi. Mehmonlarning yagona to‘pini "Borussiya" himoyachisi Rami Bensebayni o‘z darvozasiga kiritdi.

Ikki o‘yin natijasiga ko‘ra 5:3 hisobida g‘alaba qozongan "Barselona" Chempionlar Ligasi yarim finaliga yo‘l oldi.

1/2 finalda kataloniyaliklar "Bavariya" - "Inter" juftligi g‘olibi bilan to‘qnash keladi (birinchi o‘yin - 1:2).