DW: Isroil HAMAS matbuot kotibi o‘ldirilganini e’lon qildi

Isroil mudofaa vaziri Israel Kas HAMAS matbuot kotibi Abu Ubayda halok bo‘lganini ma’lum qildi. Uning so‘zlariga ko‘ra, Abu Ubayda G‘azo shahriga uyushtirilgan zarba natijasida o‘ldirilgan. Harakat hozircha bu ma’lumotni tasdiqlamadi.

Abu Ubayda uzoq yillar davomida HAMAS videomurojaatlarida harbiy kiyim va yuzini berkitgan holda chiqib kelgan, deya yozmoqda DW.

Uning so‘nggi bayonoti 29 avgust kuni e’lon qilingan bo‘lib, o‘shanda Isroil harbiylari G‘azoda yangi hujum boshlagan va shahar hududining bir qismini “jangovar harakatlar uchun xavfli zona” deb e’lon qilgan edi.