“Dunyo sodir bo‘layotgan voqealar haqida haqiqatni bilishi kerak”

Shanba kuni Zelenskiy Ukraina kuchlari Rossiya bilan chegaradosh Kursk viloyatida Shimoliy Koreyaning ikki yarador askarini qo‘lga olganini aytdi.

Bu Pxenyan Ukraina bilan urushda Rossiyani qo‘llab-quvvatlash uchun qo‘shin yuborganidan so‘ng, Kiyev birinchi marta Shimoliy Koreya askarlarini tiriklayin qo‘lga olganini e’lon qilgani bo‘ldi .

Zelenskiyning so‘zlariga ko‘ra, asirlar “zaruriy tibbiy yordam” olishmoqda va ular Kiyevdagi Ukraina Xavfsizlik xizmati (SBU) hibsxonasida.

Shimoliy Koreya Ukrainadagi urushni qo‘llab-quvvatlash uchun Rossiyaga 12 mingga yaqin askarini yuborganiga ishoniladi.

O‘tgan oy Janubiy Koreya urushda Shimoliy Koreyaning 1000 nafar qurboni bo‘lganini ma’lum qilgan edi .

Zelenskiy ommaviy axborot vositalariga mahbuslar bilan tanishish imkoniyati ham berilishini aytdi. “Dunyo sodir bo‘layotgan voqealar haqida haqiqatni bilishi kerak”, dedi u.