Dubay yana bir shisha gumbaz ostidagi butun boshli shaharcha qurmoqda

Dubayda maydoni 2,6 kvadrat kilometr bo‘ladigan ulkan Dubai Square Mall savdo markazi qurilmoqda.

Bu shisha gumbaz ostidagi butun boshli shaharcha bo‘ladi.

Majmua Dubay-Krik hududida joylashadi va tashrif buyuruvchilar elektromobillarda harakatlanishi mumkin bo‘lgan yo‘llarga ega bir nechta kvartallarni o‘z ichiga oladi. Shuningdek, son-sanoqsiz do‘konlar, bog‘lar, restoranlar, mehmonxonalar va «ilg‘or sun’iy intellekt tizimlari» joriy etilishi va’da qilinmoqda.

Loyihaning ochilishi 2028 yilga rejalashtirilgan bo‘lib, uning qiymati allaqachon 49 milliard dollarga yetgan.