Dronlar Rossiyaning Arzamas shahridagi ikki sanoat zonasiga hujum qildi — OAV

Ukraina manbalari zarba “Arzamas maxsus uskunalar zavodi”ga berilganini da’vo qilmoqda. Biroq bu borada rasmiy tasdiqlar yo‘q.

"Hujum oqibatida bir kishi halok bo‘ldi, ikki kishi jarohat oldi", deya xabar bermoqda Nijeegorod viloyati gubernatori Gleb Nikitin.

Rossiya Mudofaa vazirligi xabariga ko‘ra, 11 avgustga o‘tar tunda Rossiya hududi ustida 40 dan ortiq dron urib tushirilgan. Moskva meri Sergey Sobyaninning ma’lum qilishicha, ulardan uchtasi poytaxt osmonida yo‘q qilingan

Tunda Kaluga va Penza aeroportlarida “parvozlar xavfsizligini ta’minlash” maqsadida cheklovlar joriy etildi. Keyinchalik bu cheklovlar bekor qilindi, deb xabar berdi Rosaviasiya.