Dominikan Respublikasida tungi klub tomi qulashi oqibatida halok bo‘lganlar soni 184 kishiga yetdi

Seshanba kuni Dominikan Respublikasi poytaxti Santo-Domingoda Jet Set tungi klubi tomining qulashi oqibatida halok bo‘lganlar soni 184 kishiga yetdi.

Bu haqda mahalliy hokimiyat ma’lum qildi.

Dominikan Respublikasi prezidenti Luis Abinader qurbonlar xotirasiga 8 apreldan boshlab uch kunlik milliy motam e’lon qildi.

Tungi klub halokati seshanba kuni ertalab jonli ijro paytida sodir bo‘lgan. Mahalliy OAVning xabar berishicha, tom to‘satdan elektr uzilishidan keyin qulab tushgan.

Qutqaruv ishlari davom etmoqda. Qulash sabablari o‘rganilmoqda.