Bosh prokuratura huzuridagi Departamentning Denov tumani bo‘limi tomonidan tadbirkorlik sub’ektlarining huquqlarini himoya qilish yuzasidan o‘tkazilgan tergovga qadar tekshiruvda, “D.V.” AJning marketing va savdo-sotiq masalalari bo‘yicha sobiq rahbari F.D. korxonaning jami 573,1 mln so‘m mablag‘ini ipoteka shartnomasi asosida olingan uy-joyiga to‘lov uchun hamda o‘ziga ish haqi sifatida o‘tkazib olishga erishib, ushbu mablag‘larni talon-toroj qilganligi aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
