"Barselona" hujumchisi Usmon Dembele jamoani tark etishga qaror qildi. Mundo Deportivo xabariga ko‘ra, futbolchi va uning atrofidagilarni shartnomani uzaytirish bo‘yicha yana bir taklif qoniqtirmagan.
Kataloniyaliklar oldinroq taklif qilgan yangi shartnoma bandlarini o‘zgartirmagan. 25 yoshli Dembele 30 iyungacha shartnomani uzaytirmaydi.
Futbolchi erkin agent sifatida Londonning "Chelsi"siga o‘tishi mumkin.
2021/22 yilgi mavsumda fransiyalik hujumchi kataloniyaliklar safida barcha musobaqalarda 32 ta o‘yinda maydonga tushib, 2 ta gol urdi va 13 ta golli uzatmani amalga oshirdi.
