Daniya Ukrainaga qariyb 900 mln yevrolik harbiy yordam paketi ajratdi

Daniya Ukrainaga qariyb 900 mln yevrolik harbiy yordam paketi ajratdi.

"2025-2027 yillarda Kopengagen Kiyevni artilleriya qurollari va o‘q-dorilar bilan ta’minlaydi. Shuningdek, mablag‘lar havo hujumidan mudofaa tizimlari, dronlar va axborot texnologiyalarini qo‘llab-quvvatlash uchun ham ajratiladi", deyiladi Daniya Mudofaa vazirligi saytida e’lon qilingan bayonotda.

"Xavfsizlik sohasidagi vaziyat shiddat bilan rivojlanmoqda. Shuning uchun Daniya Ukrainaga keng ko‘lamli yordam ko‘rsatishda davom etishi juda muhim. Ukrainaga ajratilgan 25-yordam paketi qisqa va uzoq muddatli istiqbolda Ukrainani qo‘llab-quvvatlashimizni namoyon etadi", – deya ta’kidladi Daniya Mudofaa vaziri Troels Lund Poulsen.