"Cobalt"da iste’molga yaroqsiz 82 kg go‘sht olib ketayotgan haydovchi ushlandi

Navoiy viloyati Karmana tumanida kelib chiqishi noma’lum 82 kg go‘sht olib ketayotgan haydovchi ushlandi. Bu haqda IIV axborot xizmati xabar berdi.

Unga ko‘ra, holat 8 may kuni soat taxminan 17:40 larda Navoiy viloyati Karmana tumanida joylashgan “Samarqand” YPX maskanida aniqlangan. Sholat 8 may kuni soat taxminan 17:40 larda Navoiy viloyati Karmana tumanida joylashgan “Samarqand” YPX maskanida aniqlangan. amarqand—Navoiy yo‘nalishi bo‘ylab harakatlanib kelayotgan Cobalt to‘xtatib tekshirilganda, avtomobil yukxonasida taxminiy og‘irligi 82 kg bo‘lgan kelib chiqishi noma’lum, tegishli veterinariya hujjatlariga ega bo‘lmagan go‘sht borligi aniqlandi.

Mahsulotlarni nima maqsadda, qayerga olib ketayotgani hamda iste’molga yaroqlilik darajasiga aniqlik kiritish uchun belgilangan tartibda hujjatlashtirilib, viloyat veterinariya va chorvachilikni rivojlantirish boshqarmasiga qarashli tashxis markaziga (laboratoriya) olib borilgan.

Viloyat laboratoriyaning 8 maydagi xulosasiga ko‘ra, taxminiy og‘irligi 82 kg bo‘lgan kelib chiqishi noma’lum go‘sht mahsuloti iste’molga yaroqsiz deb topildi.