Yangiyo‘l tumanidagi Ulfatlar choyxonasida chumchuq go‘shtidan shashlik pishirilayotgani aks etgan videolavha ijtimoiy tarmoqqa joylashtirildi.
Vaziyatni o‘rganish maqsadida Toshkent viloyati Ekologiya boshqarmasi Yangiyo‘l tuman bo‘limi va viloyat Ichki Ishlar boshqarmasi post-patrul xizmati xodimlari voqea joyiga yetib bordi, deyiladi viloyat ekologiya boshqarma xabarida.
Qayd etilishicha, inspektorlar o‘rganish davomida bu kabi holatga duch kelmagan.
Choyxona rahbari esa ijtimoiy tarmoqda tarqalgan holatni tushuntirarkan, lavha ilgari mijozlar sonini ko‘paytish maqsadida olinganini, hozir bunga yo‘l qo‘yilmayotganini ma’lum qildi.
Inspektorlar tomonidan kelgusida huquqbuzarlik holati takrorlamaslik yuzasidan tushuntirish ishlari olib borildi.
Shuningdek, choyxona rahbariga nisbatan MJtKning 63-moddasi 1-qismiga asosan ma’muriy bayonnoma rasmiylashtirildi va 4.120.000 so‘m miqdorida jarima chorasi qo‘llanildi.
“Bu yerlarning asl egasi bizmiz”
Mask: "Bu ketishda Yevropa yo‘q bo‘lib ketadi"
“Olimpiada chempioni Asadxo‘ja Mo‘ydinxo‘jayev mushtlashgani” yuzasidan IIB rasmiy bayonot berdi
