Chilonzorda uchta avtomobil ishtirokida YTH sodir bo‘ldi

Poytaxtimizning Chilonzor tumanida sodir etilgan YTH haqida ma’lumot.

Joriy yilning 11 dekabr kuni Chilonzor tumani, Muqimiy ko‘chasi 166-uy qarshisida haydovchilar;
2003 yilda tug‘ilgan B.I. boshqaruvidagi “BMV” rusumli transport vositasi,
1999 yilda tug‘ilgan R.O. boshqaruvidagi «BYD» rusumli transport vositasi,
1996 yilda tug‘ilgan J.A. boshqaruvidagi “Lasetti” rusumli avtomashinalari o‘zaro to‘qnashuvi natijasida yo‘l-transport hodisasi sodir bo‘lgan.

YTH natijasida Lasetti rusumli avtomashina haydovchisiga tez yordam xodimlari tomonidan birinchi tez tibbiy yordam ko‘rsatilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.