"Chelsi" hujumchisining "Bavariya"ga transferi bekor qilindi

"Bavariya"ga o‘tishi kutilgan Nikolas Jeksonning transferi bekor bo‘ldi.

Bu haqda nemis jamoasining sport direktori Maks Eberl ma’lum qildi.

"Chelsi" futbolchini ortga qaytarishimizni ma’lum qildi. Biz ular bilan shartnomaning barcha shartlarini kelishib olgandik. Hujumchi Germaniyaga tibbiy ko‘rikdan o‘tish uchun ham yetib kelgandi. Biroq endi biz uni Londonga qaytarib yuborishimiz kerak. Jekson - "Chelsi" futbolchisi", - deb fikr bildirgan Maks Eberl.

Eslatib o‘tamiz, kecha APLning 3-turida "Chelsi" hujumchisi Liam Delap jarohat olgandi. Shu sababli London klubi Jeksonni "Bavariya" bermaslikka qaror qilgan.