Ichki test sinovlari davomida OpenAI kompaniyasining ikkita modeli GPT-5.6-Sol va yana bir "kuchliroq" model Hugging Face platformasi infratuzilmasiga hujum qildi. Sinovlar internetsiz, alohida ajratilgan muhitda o‘tkazilayotgan edi. Botlar uni buzib kirib, tarmoqqa "sizib chiqdi". Qo‘yilgan topshiriqqa javob topish uchun SI-agentlar ishlab chiquvchilar tayyor neyroto‘rlar, testlar va boshlang‘ich materiallar bilan bo‘lishadigan Hugging Face platformasini buzib kirdi.
Ma’lumotlarga kirish huquqini olish uchun modellar bir vaqtning o‘zida bir nechta xakerlik usullarini, jumladan, o‘g‘irlangan paroldan foydalanishni qo‘lladi. OpenAI va Hugging Face jamoalari shubhali harakatlarni payqab qoldi va ularni to‘xtatishga muvaffaq bo‘ldi.
"Biz OpenAI tomonidan hech qanday g‘arazli niyat bo‘lmaganiga aminmiz. Bularning barchasi avtonom tarzda sodir bo‘lgani shunchaki hayratlanarli!" — dedi Hugging Face hammuassisi va bosh direktori Kleman Delang.
ChatGPT ishlab chiquvchisi sodir bo‘lgan voqeani "o‘xshashi yo‘q kiberhodisa" deb atadi va himoya mexanizmlarini mustahkamlashini ma’lum qildi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
