Britaniya Yevropa Ittifoqi bilan oziq-ovqat va veterinariya standartlari bo‘yicha kelishuvga erishishga yaqin turibdi, bu esa AQSh bilan savdo muzokaralarini murakkablashtirishi mumkin.
Bu haqda The Daily Telegraph gazetasi xabar bermoqda.
Nashrning yozishicha, London va Bryussel o‘rtasidagi yangi hamkorlik may oyidayoq rasmiylashtirilishi mumkin. Biroq, maqolada ta’kidlanganidek, ushbu kelishuv ba’zi Amerika tovarlari uchun Britaniya bozoriga kirishda to‘siqlar yaratishi mumkin, bu esa AQSh bilan erkin savdo shartnomasini tuzishni qiyinlashtiradi. 2016 yilda Brexit referendumidan beri Vashington bilan kelishuv Yevropa Ittifoqidan chiqishning eng katta, ammo hozirgacha erishib bo‘lmaydigan mukofoti sifatida e’tirof etildi.
Britaniya hukumatining Brexit bo‘yicha sobiq bosh muzokarachisi Devid Frost "amerikaliklarning asosiy talablaridan biri Buyuk Britaniyaning oziq-ovqat va qishloq xo‘jaligi bozoriga kirish", deb ogohlantirdi.
"Biz qoidalarni o‘zimiz belgilash qobiliyatidan mohiyatan voz kechamiz va hech qanday haqiqiy foyda olmaymiz. Ayni paytda, bu bizda hali mavjud bo‘lmagan davlatlar bilan, birinchi navbatda, AQSh bilan erkin savdo bitimlarini tuzishni qiyinlashtiradi", - deya Frost so‘zlarini keltiradi gazeta.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
Abduqodir Husanov nega maydonga tushmayotganligiga oydinlik kiritildi. Asl muammo nimada?
