Vazirlar Mahkamasining tegishli qarori bilan Siddiqova Sadoqat G‘afforovna Buxoro muhandislik-texnologiya instituti rektori etib tayinlandi.
Tayinlovga qadar Oliy ta’lim, fan va innovasiyalar vazirligi Professional ta’lim tizimini rivojlantirish departamenti boshlig‘i lavozimida faoliyat olib borgan.
Sadoqat Siddiqova 1978 yil Navoiy viloyatida tug‘ilgan.
U 1999 yilda Buxoro davlat universiteti (bakalavr), 2014 yilda Buxoro muhandislik-texnologiya institutining magistraturasini tamomlagan. Mutaxassisligi – amaliy matematika va informatika, kasb ta’limi, kompyuter tarmoqlarining dasturiy ta’minoti. Pedagogika fanlari bo‘yicha falsafa doktori (PhD).
2018 yilda “Shuhrat” medali bilan taqdirlangan.
