Bulung‘urda 498 tup daraxt noqonuniy kesib tashlangani aniqlandi

Samarqand viloyati, Bulung‘ur tumani, Kildon mahallasi hududidagi Oqtepa kanali ichki qismi va qirg‘oq bo‘yida eroziyaga qarshi ekilgan o‘sish holatidagi 498 tup turli daraxtlar(327 tup terak, 161 tup tol, 5 tup tut, 3 tup jiyda, 2 tup yong‘oq) moratoriy talablariga zid ravishda kesib tashlangani aniqlandi.

Buning natijasida tabiatga 2 mlrd 220 mln 62 ming so‘m zarar yetkazilgan.

Ekologiya milliy qo‘mitasi tomonidan hujjatlar rasmiylashtirilib, qonuniy chora ko‘rish uchun Bosh prokuraturaga yuborildi.