"Bu mineral resurslar haqidagi firibgarlikdir"

Jonson Trampning Ukraina bo‘yicha taklifini "firibgarlik" deb atadi.

Buyuk Britaniyaning sobiq bosh vaziri Boris Jonson AQSh prezidenti Donald Tramp tomonidan taklif etilgan Ukraina konlari bo‘yicha kelishuvni qattiq tanqid qildi.

"Men buni qabul qila olmayman. Bu mineral resurslar haqidagi firibgarlikdir. Ular Ukraina bilan birgalikda tuzmoqchi bo‘lgan bu jamg‘armaga bir tiyin ham ajratilmasligi kerak. Bu masalaning bahosi juda yuqori," - dedi Buyuk Britaniyaning sobiq bosh vaziri Kiyevdagi anjumanda.

Jonson, shuningdek, Trampning Ukraina bo‘yicha so‘nggi bayonotlarini tanqid qilib, AQShning hozirgi siyosati Kiyevni qo‘llab-quvvatlash yo‘nalishiga zid ekanligini ta’kidladi.

Eslatib o‘tamiz, Tramp yarim trillion dollarlik jamg‘arma tuzmoqchi, bu mablag‘ni Ukraina amerikaliklar tomonidan ko‘rsatilgan yordam evaziga to‘ldirishi kerak edi. Biroq, Zelenskiy kecha Ukraina allaqachon ko‘rsatilgan yordam uchun AQSh oldidagi qarzini tan olmasligini va uni amerikaliklarga qaytarish niyati yo‘qligini ma’lum qildi.