56 yoshli Gollivud aktyori Bred Pittning sevgilisi deya aytilayotgan 27 yoshli germaniyalik model Nikol Poturalski turmushga chiqdi. Bu haqda Daily Mail yozmoqda.
Modelga yaqin manbaning so‘zlariga ko‘ra, Poturalski va uning eri, 68 yoshli Roland Meri ochiq munosabat tarafdorlari.
Qayd etilishicha, model Pitt bilan 2019 yil avgust oyida eriga tegishli bo‘lgan "Borxard" restoranida tanishgan.
27 avgustda Pitt Poturalski bilan uchrasha boshlagani ma’lum bo‘ldi. Model aktyor bilan Fransiyaning janubiga sayohat qildi. Jurnalistlar modelni aktyorning sobiq rafiqasi Anjelina Jolining qiyofadoshi deb atashdi. Uning farzandi borligi haqida xabar berilgandi.
