Bosfor va Dardanell bo‘g‘ozlari bo‘yicha Turkiya o‘z qarorini o‘zgartirmaydi

Turkiya hukumati Bosfor va Dardanell bo‘g‘ozlari orqali harbiy kemalarning harakatlanishiga qo‘yilgan cheklovlarni saqlab qolish niyatida.

RIA Novosti agentligi mamlakat hukumatidagi manbaga tayanib xabar berishicha, Anqara mazkur masala bo‘yicha o‘z pozisiyasini o‘zgartirishni rejalashtirmayapti.

Turkiya tomoni Qora dengiz mintaqasidagi vaziyat yanada keskinlashishining oldini olishni muhim vazifa deb hisoblamoqda.

"Hozirgi sharoitda Qora dengizda keskinlikning yanada kuchayishiga yo‘l qo‘ymaslik ayniqsa muhim", — degan hukumatdagi manba.

Shu tariqa, Anqara harbiy kemalarning Bosfor va Dardanell bo‘g‘ozlaridan o‘tishiga nisbatan amaldagi cheklovlarni davom ettirish tarafdori ekanini bildirgan.