Isroilning 15 oylik shafqatsiz urushidan keyin minglab falastinliklar G‘azo shimolidagi vayron bo‘lgan uylari va mahallalariga qaytishda davom etmoqda.
"Al-Jazira" muxbiri Toriq Abu Azzum sohil bo‘yidagi al-Rashid ko‘chasidan piyoda shimolga ketayotgan ko‘chib kelganlar bilan suhbatlashdi.
"Allohga shukur, uyga qaytayapmiz," dedi unga Alaa Musa. "Uylarimiz vayron qilingan bo‘lsa-da, biz o‘z yerimizda qolamiz. Hatto xarobalar ustidagi chodirda bo‘lsa ham turaveramiz."
Taxminan 300 ming falastinlik allaqachon G‘azodagi mahallalari vayronaga aylanganini ko‘rish uchun qaytib kelgan. Hali ham ortga qaytayotganlar o‘zlarini nima kutayotganini yaxshi bilishadi.
"Qaytganimizdan so‘ng, chodirga o‘xshagan boshpana topishga harakat qilamiz, ammo hech bo‘lmaganda yer bilan yakson qilingan uyimiz yonida bo‘lamiz," dedi Umm Hassuna. "Bolalarim bilan uning xarobalari ustida yashaymiz. Boshqa ilojimiz ham yo‘q-ku?"
So‘nggi oylarda Isroil qamal e’lon qilgani natijasida shimoldan kamida 700 ming falastinlik majburan ko‘chirilgan, deb taxmin qilinmoqda.
"Isroil genosidiga bir yarim yildan ortiq vaqt o‘tganidan so‘ng, bizning G‘azo shimolidagi eng aziz vatanimizga qaytish vaqtimiz keldi," dedi Mahmud Salha.
"Vayronaliklarga qaramay, bu bizning vatanimizdir. Biz bu yerning haqiqiy egalarimiz".
Ozod etilgan isroillik asirning so‘zlari ko‘pchilikni hayratlantirdi: "Safingizda bo‘lishni istardim"
Amerikaliklar Zelenskiyga bir soat vaqt berdi
Erning ichki yadrosi 15 yildan keyin to‘xtaydi — olimlar
