Qozog‘istonning Almati shahrida boks bo‘yicha yosh qizlar o‘rtasida o‘tkazilgan xalqaro turnirda O‘zbekiston terma jamoasining 3 nafar a’zosi g‘oliblik shohsupasiga ko‘tarildi.
Olimpiya o‘yinlari g‘olibi Yermaxan Ibraimov sovrini uchun o‘tkazilgan an’anaviy musobaqada 2006-2007 yillarda tavallud topgan 100 nafardan ziyod bokschi 12 vazn toifasidagi janglarda ishtirok etdi.
Osiyo chempionatiga tayyorgarlik vazifasini o‘tab bergan ushbu musobaqaning 9 ta vazn toifasida qozog‘istonliklar, qolgan 3 tasida esa o‘zbekistonlik bokschi qizlar oltin medalni qo‘lga kiritdi.
Terma jamoamiz a’zolaridan Rahima Bekniyozova (-60), Hilolaxon Mashrabova (-50) va Jasmin Tohirova (-48) o‘z vaznlarida oltin medallarga ega chiqdi.
