Boks, JCH. Kecha ringga ko‘tarilgan barcha vakillarimiz g‘alabaga erishdi

Liverpul mezbonligida kechayotgan boks bo‘yicha jahon chempionatida bugun 2-kun bahslari o‘tkazildi. Unda O‘zbekiston terma jamoasining 3 nafar a’zosi ringga ko‘tarildi va ularning barchasi g‘alabaga erishdi.

-57 kg: Humorabonu Mamajonova - Lai-Karlile Ali (Yangi Zelandiya)
Humorabonu Yangi Zelandiya vakilasi Lai-Karlile Alini katta ustunlik bilan mag‘lub etdi — 5:0. Mamajonova keyingi bahsini 7 sentyabr kuni o‘tkazadi.

-50 kg: Shodiyorjon Meliqo‘ziyev - Navaf Avajiy (Saudiya Arabistoni)
Bokschimiz Saudiya Arabistoni vakili Navaf Avajiyni ikkinchi raundda texnik nokautga uchratdi. Endi uning navbatdagi bahsi 9 sentyabrda bo‘lib o‘tadi, keyingi raqib — avstraliyalik Omer Izaz.

+90 kg: Jahongir Zokirov - Murad Kadiy (Jazoir)
Jahongir Zokirov jazoirlik Murad Kadiyni 5:0 hisobida mag‘lub etdi.