BMT Ho‘rmuz bo‘g‘ozi ochilsa ham, yuk tashishni tiklashga oylar kerakligini bildirdi

BMT ma’lum qilishicha, Ho‘rmuz bo‘g‘ozi darhol ochilgan taqdirda ham, u yerda yuk tashish harakatini to‘liq tiklash uchun ancha vaqt talab etiladi.

BMTning Xalqaro dengiz tashkiloti bosh kotibi Arsenio Domingesning aytishicha, asosiy muammo — mintaqadagi minalar va ularni tozalash jarayonidir.

Uning so‘zlariga ko‘ra, minasizlantirish ishlari bu borada yordam berishga tayyor davlatlar bilan muvofiqlashtirilgan holda amalga oshirilishi kerak.

Dominges hisob-kitobiga ko‘ra, kemalarning bo‘g‘oz orqali yana xavfsiz harakatlanishi uchun bir necha haftadan bir necha oygacha vaqt ketishi mumkin.