Belarus prezidenti Aleksandr Lukashenko ikki davlat o‘rtasida "katta shartnoma" tayyorlanganidan so‘ng Donald Tramp bilan uchrashishga tayyorligini bildirdi.
"Biz kelishuvga tayyormiz, ammo u ham AQSH, ham Belarus manfaatlarini aks ettiradigan tarzda tayyorlanishi kerak", — dedi Lukashenko Rossiyaning RT telekanaliga bergan intervyusida.
Mart oyida Trampning vakili Jon Koul Belarus prezidenti tez orada Vashingtonga tashrif buyurishi mumkinligini aytgan edi. Bu tashrif inson huquqlari buzilishi va urushda Putinni qo‘llab-quvvatlagani sababli ko‘p yillar davomida "yakkalangan" yetakchi uchun katta o‘zgarish bo‘lishi mumkin. Aleksandr Lukashenko intervyuda Minsk G‘arb sanksiyalariga moslashganini va Qo‘shma Shtatlar bilan har qanday kelishuv faqat sanksiyalarni bekor qilish bilan cheklanib qolmasligi kerakligini ta’kidladi.
"Bizda hal qilinishi kerak bo‘lgan masalalar ko‘p va bu jiddiy shartnoma mavzusidir. Quyi darajada hammasini kelishib olganimizdan keyin, Tramp bilan uchrashib, shartnomani imzolashga tayyor bo‘lamiz", — deya qo‘shimcha qildi u.
Samarqandda 1956 yilda tug‘ilgan fuqaro yashash uyida vafot etganligi holati yuzasidan prokuratura tekshiruv olib bormoqda
Lionel Messi Kataloniya klubini sotib oldi
Italiya OAVlari Makronning Jorja Meloni bilan uchrashuvdagi harakatlarini keskin tanqid qildi
