Isroilning anklavdagi harbiy amaliyoti tufayli G‘azo sektorining yalpi ichki mahsuloti (YAIM) 2023 yilda 24 foizga kamaydi.
Bu haqda Birlashgan Millatlar Tashkilotining Savdo va taraqqiyot bo‘yicha konferensiyasi (UNCTAD) hisobotida aytiladi.
Hujjatga ko‘ra, o‘tgan yilning dastlabki uch choragida G‘azo sektori iqtisodiyoti 4,5 foizga qisqargan.
“Biroq, harbiy amaliyotlar pasayishni sezilarli darajada tezlashtirdi, natijada YAIM 24 foizga qisqardi va butun yil davomida aholi jon boshiga YAIM 26,1 foizga qisqardi”, — deyiladi bayonotda.
Bundan tashqari, hisobotda aytilishicha, anklavdagi ishsizlik darajasi 2023 yil dekabr holatiga ko‘ra 79,3% ni tashkil qilgan.
